(New Cerato Vs Chevo Cruze(Drag

والله ياجماعا من غير زعل ف الاول بس حابب انقل تجربة استفدت منها بصراحة

فى يوم من الايام (من ساعتين تقريبا )

حصل وتقابلت مع بنى ادم (صديقى )

مشفتوش من دهر من الزمن (حوالى اسبوع وزهقان منه اساسا)

داخل عليا بكروز هاى لاين (بتاعة اخوه )

بصراحة قلت مبدهاش جت فرصة اركبها واجربها براحتى من غير زحمة

المكان (احد بقاع البحر الاحمر )

استأزنت منه اجربها توقعت الرفض المستميت لانه عارف انى مش بركب عربيتى لحد حتى لو حد من التوكيل هيجرب العربية بس للاسف خزلنى ورحب بالفكرة وانا مصدقت

ركبت دورت تمام

خدت راوند كده حلو ورجعت

الملاحظات ف الاخر ( طبعا كل بتوع الكروز هينفضو لباقى القصة المثيرة دى ويجيبو اخرها ) اطمنو احنا كلنا اخوات ومش داخل اتخانق ولا اجر شكل حد )

ثم يأتى بعد ذلك استفزازه ليا بطريقة حديثه الشيق عن السيراتو كعادة اى حد بيبقا عاوز يتباهى باشياءه (اين اشيائى )

الحوار سخن واصدقاء تدخلو وحسمو الموقف بدراج ريس بينى وبينه

قلت بيس ياماو

وتم الاتى (ايه يامعلم هتشد مانيوال ولا ستيب ) قالى مانيوال طبعا علشان هتبقا بطة عندى انا 6 سرعات

قلت اشطاط رنات بقا هااا

وقفنا الوحشين جنب بعض وصفافير المشجعين تتتعالى ( هما تلاتة مفيش غيرهم ف الشارع غيرنا )

هوب دوس يامعلم بس استنا عربيتك متفتحا ولا ؟

المفجأة بقا انه عامل كيلو متر زى تقريبا مع فروق بسيطة انا 39000 كم وهوا 37800 تقريبا

يلا الهوبا

عننننننن عننننن

انا لسه على الاول وفرقت بتاع خمس متر عنه جبت التانى ملقتوش خلاص بقا بعيد عنى التالت عدى 120 محستش انى بشد ركنت استنيت

بدأنا بقا ياعم انتا حاطط فلتر وبنزين 95 خلانى فتحت الكبوت ووريته فلتر الفابريكا وانا لسه حتى معملتش صيانة الاربعين وشكله معفن وبنزين 92 مبحطش غيره

قالى طب انا هدخل امون 95 قلتله اللى انتا عايزه بس مش هيبقاله التأثير الملحوظ دخل فول 95

بدأنا تانى وقالى نطول الدراج شوية قلتله اللى يريحك

الهوبا

عنننننننننننننننننن عنننننننننننننن عننننننننننننن عننننننننننننن

برده نفس السيناريو بالظبط

طبعا الواد اتقفل جدا مع انه اللى هوا اللى عمل كل ده

ملحوظة (الواد ده بيسوق كويس جدا ويمكن احسن منى كمان )

نيجي بقا لتقيمى المتواضع عن الكروز

المميزات :

تابلوه شيك جدا احسن من السيراتو (ازواق)

دريكسيون سلس جداا (طبعا فرق الكهربا عن الزيت )

عفشة انعم نسبيا من السيراتو

شنطة اوسع نسبيا عن السيراتو

محور الدريكسيون افضل من سيراتو(هتبقا ف الركن افضل )
العيوب :

*ارخم عيب شوفته بصراحة ان الفتيس لما يبقا فى وضع المانيوال وتيجى عند الريد زون بيفصل الماتور بس مش بينقل (طبعا ف السيراتو دى سيفتى جدن للماتور والفتيس انه بيعمل أب لنقله)

*فخامة التابلو مأثرة على مساحة الكابينة ولا ايه مش عارف حاسس الصالون اضيق من السيراتو
(انا طويل فلما برجع الكرسي ف السيراتو للاخر واسقط الضهر بحيث يبقا ايدي مفرودة على الطاره سهل حد يقعد ورايا اما ف الكروز استحالة الا لو طفل )

*عيب معرفش هل هوا ف العربية عمتن ولا ايه بس انا لما بكبس فرامل بحس ان وش العربية هيخبط ف الارض

الفرامل ف كيا افضل بصراحة بمراحل

* مش عيب بس ليه هاى لاين مفيهاش فتحة سقف وبالسعر ده كله ؟

ماتور الكروز لازم يبقا بتاع بلادها بصراحة لان بتاع الاوبترا والنوبيرا ده ميكلش معاها خالص منه لله منصور بقا

ودمتم شموعا وربنا يستر

الله ينور عليك و تسلم على التقرير الجامد ده

اقتباس:

---

المشاركة الأصلية كتبت بواسطة moha4tec

الله ينور عليك و تسلم على التقرير الجامد ده

---

حمد لله على السلامة ياكبير ليك واحشة والله

تسلم ياباشا على التقرير الحيادى واتمنى محدش يزعل من الكلام
بس للصراحة الكروز سحبها افضل بعد 140 ناتج للست سرعات
السيراتو بتعديه تمام بس مش بفرق جامد حجات بسيطة لو اللى فى السيراتو مش سواق والكروز سواق الكروز تكسب

ازيك يا احمد ويارب تكون بخير

اول شى ماتخفش بتوع الكروز حبايبنا وهما عارفين الكلام ده من ناحية الماتور

احيك على تقيمك لانه فيه شفافية عالية

السيراتو اخف من الكروز فلاازم هيكون فى فرق

فرامل السيراتو تعتبر تاج على العربية ( منقول عن نورمال )

تجربة جميلة ووصفك حلو

اقتباس:

---

المشاركة الأصلية كتبت بواسطة moha4tec

الله ينور عليك و تسلم على التقرير الجامد ده

---

ايه دا يا راجل انت بتدحك علينا ولا ايه:Ka_che1[1]:

تقييم ممتاز يا معلم مشفتش مواضيع شيقه من زمان ولله
فعلا السيراتو بسم الله ما شاء الله صاوخ مشرفاني ديما ربنا يبارك لنا فيا و سوون يا معلم تقرير نفخ عربيه كان كتير اوي مقتنع انها تقدر علي كيداهم بس علي مين يا معلم دي كيداهم:B4_033:

الكروز دي عربيه سعرها مبالغ فيه بطريقه مستفزه
سؤال حد يجوابني عليه
هي اغلي من السيراتو ليه في ايه ؟
السيراتو احسن بمراحل ده رايي يا رجاله محدش يسخن عليا!!!!!!!

اقتباس:

---

المشاركة الأصلية كتبت بواسطة abouleila

ازيك يا احمد ويارب تكون بخير

اول شى ماتخفش بتوع الكروز حبايبنا وهما عارفين الكلام ده من ناحية الماتور

احيك على تقيمك لانه فيه شفافية عالية

السيراتو اخف من الكروز فلاازم هيكون فى فرق

فرامل السيراتو تعتبر تاج على العربية ( منقول عن نورمال )

تجربة جميلة ووصفك حلو

---

يادى النور يادى النور

سعادة الباشا بتاعنا كلنا انا للعلم خدت رقم حضرتك ومستنى مناسبة طيبة بس علشان اكلمك

انا الحمد لله كويس ويارب تكون حضرتك بخير ونشوفك قريب ان شاء الله

ومتشكرين على المجاملة

اقتباس:

---

المشاركة الأصلية كتبت بواسطة medoakef

ايه دا يا راجل انت بتدحك علينا ولا ايه:ka_che1[1]:

تقييم ممتاز يا معلم مشفتش مواضيع شيقه من زمان ولله

فعلا السيراتو بسم الله ما شاء الله صاوخ مشرفاني ديما ربنا يبارك لنا فيا و سوون يا معلم تقرير نفخ عربيه كان كتير اوي مقتنع انها تقدر علي كيداهم بس علي مين يا معلم دي كيداهم:b4_033:

---

الله يخليك ياميدو وف انتظار باقى التقارير وربنا يستر علينا من الهجمات المرتدة اللى بتيجي من بى ام واودى والحجات اللى بتزعل دى

اقتباس:

---

المشاركة الأصلية كتبت بواسطة AHMED1718

الله يخليك ياميدو وف انتظار باقى التقارير وربنا يستر علينا من الهجمات المرتدة اللى بتيجي من بى ام واودى والحجات اللى بتزعل دى

---

مين الي قال لك ان النفخه كانت لعربيه الماني:grin54:
ولله انا مكنتش عاوز اعمله عشان شايف ان كل المنتدي نايم و من نحيه الريسنج اليومين دول بس انا هعمله دلوقتي بقا:B4_033:

اقتباس:

---

المشاركة الأصلية كتبت بواسطة ahmed_201091

تسلم ياباشا على التقرير الحيادى واتمنى محدش يزعل من الكلام
بس للصراحة الكروز سحبها افضل بعد 140 ناتج للست سرعات
السيراتو بتعديه تمام بس مش بفرق جامد حجات بسيطة لو اللى فى السيراتو مش سواق والكروز سواق الكروز تكسب

---

العفو ياباشا

الكروز متهيألى علشان توصل ل 140 هكون انا وصلت او حتى محتاج يمشى 220 علشان يحصلنى بعد 80 كم على الاقل

وموضوع السواق ده لو راكب فيورا ممكن يقطع الطخين لو راكب بى ام ده منطق مسلم بيه

اقتباس:

---

المشاركة الأصلية كتبت بواسطة medoakef

مين الي قال لك ان النفخه كانت لعربيه الماني:grin54:

ولله انا مكنتش عاوز اعمله عشان شايف ان كل المنتدي نايم و من نحيه الريسنج اليومين دول بس انا هعمله دلوقتي بقا:b4_033:

---

اتكل على الله وربك يستر

حبيب قلبي
http://www.nilemotors.net/Nile/22618...post3873576228

طبعا السراتو تكسب فى التسارع والسرعه القصوى كمان الكروز ماتور تكنولوجيا التسعينات جنرال موتورز بقه

عاش يا كبير :)
بس الموضوع مش محتاج سواق كدا كدا السيراتو اقوى والكلام دا معروف كويس
الا بقى لو واحد بيهم بيخاف فا مش دايس على الاخر

اقتباس:

---

المشاركة الأصلية كتبت بواسطة yasserelsayad

عاش يا كبير :)
بس الموضوع مش محتاج سواق كدا كدا السيراتو اقوى والكلام دا معروف كويس
الا بقى لو واحد بيهم بيخاف فا مش دايس على الاخر

---

عاش مهيج الجماهير :b4_611:

اقتباس:

---

المشاركة الأصلية كتبت بواسطة amado318

طبعا السراتو تكسب فى التسارع والسرعه القصوى كمان الكروز ماتور تكنولوجيا التسعينات جنرال موتورز بقه

---

طبعا يافندم طبعا

تقرير عادل وممتاز

معللللم

مع واحد صاحبى بس اللاسيتى النسخة الكورى ولما شوفتها وركبتها ...

بصراحة وصراحة الصراحة اللى عاجبنى حاجة واحدة بس

شكل العربية من قدام :d

ومش لاقى حاجة تانية عجبانى مع كامل الاحترام والتقدير لأصاحبها :)

السيراتو احسن عربيه في فئتها انا جربتها بردوا ممتازه مع بعض النشوفيه

اقتباس:

---

المشاركة الأصلية كتبت بواسطة m7amd_7amdy

معللللم

مع واحد صاحبى بس اللاسيتى النسخة الكورى ولما شوفتها وركبتها ...

بصراحة وصراحة الصراحة اللى عاجبنى حاجة واحدة بس

شكل العربية من قدام :d

ومش لاقى حاجة تانية عجبانى مع كامل الاحترام والتقدير لأصاحبها :)

---

بالنسة للشكل هوا هوا تقريبا الفرق ف الشبكة والعلامة بس

اقتباس:

---

المشاركة الأصلية كتبت بواسطة ahmed1718

حمد لله على السلامة ياكبير ليك واحشة والله

---

و الله انت اللى ليك وحشه
و المنتدى ده انا ادمنته و مش قادر امنع نفسى انى ابعد عنه هههههههههه بجد و الله
و خد حتة الشعر دى انا الفتها فى ساعة هم و نكد قبل الثوره و هى بتوصف حالتى دلوقتى او قت كتابة اخر موضوع لى اللى قلت مش هشارك تانى و كده ( و كمان ممكن بعض الابيات تمشى مع الثوره و كده يعنى و قولى رايك بجد)
قصيدة : الى متى
الى متى ستظل يا قلبى موجوع
حاسس بخنجر مغروس فى الضلوع
امتى يجى الفرح و الا هو حق مش مشروع
دا العقل تعب و العين غرقانه فى بحر من الدموع
...
و الا الزمن غدار و الا الدنيا دى دنيا الخضوع
طب اعمل اه تانى دا انا آيد صوابعى العشره شموع
هو انا حظى اللى وحش و الا الطريق مفيش منه رجوع
و الا لازم اغلط و اتدخل و اتكلم فى الممنوع
و الا هى كلمة الحق دلوقتى بقت شىء مشنوع
كلمة الحق على رقبتى حتى لو هموت من الجوع
يا زمن ليك العجب و الكل بقى فيك مفجوع
هو انا اللى قلبى طيب و الا الظلم بقى فى البطاقه مطبوع
انهارده بس بعلن انى مش هرضى تانى بالخنوع
و الا احنا عيشين فى زمن الحب المصنوع
... و الا انكتب علينا نعيش عمر بالكدب منقوع
كنت فاكر الناس ملايكه و طلعت فى الاخر انا المخدوع

عالفكره ماتور الكروز والأوبترا بيبقى متحكم بوحده ecu ببتحكم في كل نقله وسرعه كل نقله ياعني الكروز مثلا اخرها 200 مع ان ممكن تجيب اكتر لو تغير بوحده ecu تانيه الكتنرول قي السيراتو ecu مفتوح ققصد مصمم ليجيب تسارع ام الكروز وطبعا نحديد الكنترول معمول علشان استهلاك الكاوتش الأمان بتاع العربيه استهلاك البنزين عالفكره موتور اللي بتقولوا عليه بتاع التسعينات بتاع الكروز اصلا بيطلع 160 و 170 حصان بس استهلاك البنزين كان خيالي فاشركه gm وقتها عملت detuning ليه ليبقى 107 حصان وعالفكره بره الموتور ده كان بيركب على الأفيو لحد 2006 وده الفكره انهم عملوا detuning للماتور لأنها كانت من فئه العربيات الصغيره العائليه في امريكا والأوبترا عندهم 2000 cc والكروز 1800 و1400 تيربوا

اقتباس:

---

المشاركة الأصلية كتبت بواسطة hmada9009_99

عالفكره ماتور الكروز والأوبترا بيبقى متحكم بوحده ecu ببتحكم في كل نقله وسرعه كل نقله ياعني الكروز مثلا اخرها 200 مع ان ممكن تجيب اكتر لو تغير بوحده ecu تانيه الكتنرول قي السيراتو ecu مفتوح ققصد مصمم ليجيب تسارع ام الكروز وطبعا نحديد الكنترول معمول علشان استهلاك الكاوتش الأمان بتاع العربيه استهلاك البنزين عالفكره موتور اللي بتقولوا عليه بتاع التسعينات بتاع الكروز اصلا بيطلع 160 و 170 حصان بس استهلاك البنزين كان خيالي فاشركه gm وقتها عملت detuning ليه ليبقى 107 حصان وعالفكره بره الموتور ده كان بيركب على الأفيو لحد 2006 وده الفكره انهم عملوا detuning للماتور لأنها كانت من فئه العربيات الصغيره العائليه في امريكا والأوبترا عندهم 2000 cc والكروز 1800 و1400 تيربوا

---

على فكرة انتا مختش بالك ان الدراج ده منطش فوق 130 كم-س

يعنى موصلناش ل 200 والارقام دى وبعدين هوا يعنى الecu ده مفيش منه ف السيراتو !!

احنا كنا على ستيب سترونيك يعنى اخر كل نقلة بتيجي على ريد زون

يعنى عزم العربية كله يعنى ولا ecu هينقل بدرى على ار بي ام بدرى علشان استهلاك بنزين ولا علشان سيفتى

طب طالما بتوع Gm عملو كل اللى قلت عليه ده ليه معملوش سينسور حتى سيفتى للفتيس ينقل لما يوصل ريد زون زى السيراتو

وبعدين هوا ايه التعديل ف السوفت وير علشان يقفل عربية 1600 سي سي على 200 كم هوا المفروض تجيب كام ؟!!! 220 مثلا اخرها ؟ مظنش هيبقا ده الفرق اللى يعمل عليه كل ده اذا عزم الماتور بالوزن ده جاب السرعة دى من الاصل

اقتباس:

---

المشاركة الأصلية كتبت بواسطة AHMED1718

على فكرة انتا مختش بالك ان الدراج ده منطش فوق 130 كم-س

يعنى موصلناش ل 200 والارقام دى وبعدين هوا يعنى الecu ده مفيش منه ف السيراتو !!

احنا كنا على ستيب سترونيك يعنى اخر كل نقلة بتيجي على ريد زون

يعنى عزم العربية كله يعنى ولا ecu هينقل بدرى على ار بي ام بدرى علشان استهلاك بنزين ولا علشان سيفتى

طب طالما بتوع Gm عملو كل اللى قلت عليه ده ليه معملوش سينسور حتى سيفتى للفتيس ينقل لما يوصل ريد زون زى السيراتو

وبعدين هوا ايه التعديل ف السوفت وير علشان يقفل عربية 1600 سي سي على 200 كم هوا المفروض تجيب كام ؟!!! 220 مثلا اخرها ؟ مظنش هيبقا ده الفرق اللى يعمل عليه كل ده اذا عزم الماتور بالوزن ده جاب السرعة دى من الاصل

---

التعديل في وحده ecu بتفرق مش اقل من 20 حصان وانت طالع وعموما انت لو شديت وجريت بنفس الكلام مع الأوبترا هيختلف تماما مع ان المواتير بتاعت الكروز والأوبترا واحد

اقتباس:

---

المشاركة الأصلية كتبت بواسطة hmada9009_99

التعديل في وحده ecu بتفرق مش اقل من 20 حصان وانت طالع وعموما انت لو شديت وجريت بنفس الكلام مع الأوبترا هيختلف تماما مع ان المواتير بتاعت الكروز والأوبترا واحد

---

لان وزن الاوبترا اخف و هتكون ظهره في المرايه دا اقصي شئ ممكن تعمله مع السيراتو:b4_033:

فين بتوع اللوجان يشوفوا التقارير

اقتباس:

---

المشاركة الأصلية كتبت بواسطة H A R D

فين بتوع اللوجان يشوفوا التقارير

---

ليه ؟؟

اقتباس:

---

المشاركة الأصلية كتبت بواسطة medoakef

لان وزن الاوبترا اخف و هتكون ظهره في المرايه دا اقصي شئ ممكن تعمله مع السيراتو:b4_033:

---

عالفكره ان جاري مع سيراتو كتير والكلام ده مابيحصلش يمكن انت شديت و جريت مع اوبترا اتوماتيك انما مانيوال انسى

اقتباس:

---

ليه ؟؟

---

حضرتك مش متابع
اقولك ليه

ديما بيعلموا مقارانات اللوجان باى عربيه تانيه حتى لو بى ام وابل وده فعلا حصل
سيبك بقى انهم ازاى يقارنوا عربيه لوجان بالالمانى او سيبك من المقارنه اصلا

قله ادب فى الالفاظ يعنى عربيه زباله
عاوزه الضرب بالجزمه
هيا ديه عربيه ولا موتسكل
وخد عندك بقى كميه من الالفاظ وكميه من التعليقات تحرق الدم وفى النهايه الموضوع يتقفل

طبعا ده مش معناه كل القسم بس ده اسموا قسم المشاكل

اقتباس:

---

المشاركة الأصلية كتبت بواسطة hmada9009_99

عالفكره ان جاري مع سيراتو كتير والكلام ده مابيحصلش يمكن انت شديت و جريت مع اوبترا اتوماتيك انما مانيوال انسى

---

تمام يا باشا و بردو لو السيراتو كانت منيول انسي :b4_033:
الاوبترا من 0-60 بتبقا تقيله اوي انا بفرق و بعدها بيفضل ورايا
بس هي عموما عربيه جميله بسم الله ما شاء الله ربنا يبارك لك فيها

اقتباس:

---

المشاركة الأصلية كتبت بواسطة medoakef

تمام يا باشا و بردو لو السيراتو كانت منيول انسي :b4_033:

الاوبترا من 0-60 بتبقا تقيله اوي انا بفرق و بعدها بيفضل ورايا

بس هي عموما عربيه جميله بسم الله ما شاء الله ربنا يبارك لك فيها

---

++++++++++

اقتباس:

---

المشاركة الأصلية كتبت بواسطة medoakef

تمام يا باشا و بردو لو السيراتو كانت منيول انسي :b4_033:

الاوبترا من 0-60 بتبقا تقيله اوي انا بفرق و بعدها بيفضل ورايا

بس هي عموما عربيه جميله بسم الله ما شاء الله ربنا يبارك لك فيها

---

شكرا لزوق حضرتك واتمنى ان احنا كلنا ناخد بالنا ونبطل جري وشد علشان انا والله كل يوم بشوف حادثه بسبب السرعه والجري وربنا يسترها معانا كلنا